Aitüij ein aünaütu´upic, axuitzi guara´a. Cüyej tü araguaica metro ajtütü´ü `alli´i, `ajcabátümee cüle´ena´a ajtágua seicaj etse ü xamuiran tütü´uma´a, cülen ü xuta´iran tyaumuavi´i rumuaiyu etse pu guijxuta´a `alli´i, ya pu´i seire´e cumu tyi´itü chu´inuj tü cajúxa´a. Ü taca´iran su´unraj cumu tyi´i tü nachuerij pu ru üme´e anta´ucu´ura ajta antyipityi, muácuaque´e pu uguapityi´imej ü ajtsa´aran. Tün puta´axa ajta tün tyaumuavi´i.

Yaa puj ti´i rátyaguájmee. Barrio San Miguel, Barrio San Antonio, Barrio Santa Bárbara, El Huertito, La Pista, El Segundo Paso, San Francisco, Huaynamota, San Juan Peyotán.

Guatarij. Tüpu´a tyi´tü cüyej e´iguaveeny, nusuira´acavety ma´agua: irautüxün pu ü xamuei´inan na´arij ü cutsapa´aran, ajpu´i ira´atyaraty autü a´uxe´eve´e. Tüpu´a ira´aracui´i, irauyatsan pu ü xamueiran na´arij ü cüya´aran tü´üqui tyi´itü muxá cün ira´arautsujtyi´i, `achu guápua gueica sei xücáj.

Yaa pu eincüm tyi icuinye yaa pu tyu´ase. Tü `utyaujüxün, nusu ira´acajvety ma´agua cüyej etse, amee pij tyí´ígoupueityen, tüpu´a tyí íra´ava´atu´a ü rumu´u cüme´e; xajta pu´i e´iguatacu´ine.

Tú `írááraacu´i, yaa puj tyu´urere, tü´üta tüca´a autya´uvijpuaxü´üsin tyu´u üsi, capú rü´ürista `ame tü ira´ataneere, `avi´itaxün xa´achuta´í cüme´e; `anajta puj e´igua tyu´asi tü ayán ty´icu´inye, e´igua muj tyí´ícu´ucu´in ü tyaütyej.

Ajtagu´a puj yee tyi´ivaüre´e. Cueiri´i aüna méjchitaca´i tüpu´a arijcuasi, ira´itsen puj mapu´u iru´uraara´a xaürij.