Le xíiwa´ jach bek´ech; mi yan jun p´éel meetros u ka´analil; u le´o´obe´ ya´ax yéetel mejentak; u yicho´obe´ bek´echtak mi yan kan p´éel wa jo´o p´éel cms u chowkil ts´o´okole´ boxtak. Le xíiwa´ ku yantal tu jáal bejo´ob yéetel ichíl le kajo; ku ya´lale´ síis u kuch.

Ba´ax u belal. Ku ts´akik wach´kajal.

Ba´ax beetik. Ku tsa´ayal le wach´kajal ti´ máako´ tumen ku jantik ba´alo´ob ma´ malo´ob u tia´al u nak´.

Bix u k´a óoltal. Tumen le ken xíik ta´ máake´, jach chen ja´ ku mansik.

Bix u ts´akal. Jun Chach u le´ le xíiwa´ yéetel u che´ilo´ob, ku cha´akal yéetel ka´a p´éel litros ja´, ts´o´okole´ ku ts´abal ti´ le k´oja´ano´ u tia´al u yuk´e.