Biblioteca Digital de la Medicina Tradicional Mexicana
Universidad Nacional Autónoma de México
Flora Medicinal Indígena de México
Flora Medicinal Seri de Sonora.
Conca’ac Quih Ziix Icoihipe Hehe Iyaat Oaanloj Coi
[
Información general
]  [ ]  [ ]  [ ]  [ ]
Pnacoj, Mangle dulce
Pnacoj

Hehe hant ihiiti caacoj iha hanl coipatiaax cocöj quih taax iti coacösxaj iha. Inail itaacl com haxmoosclo, istaalca coi taax xpanams yail coil haxcoimaixajo ihmaa, iti coi hixaataj quih haximpeetilco, moos haximacola ocöimiih, ptaaxlim maax iix quih an oo moo taax ihmoo impaazjc. Quipöc ihaa taax aiitah hamaa. Hihiyoz quih haxihmeelo, yapötx quiij tiix oxo misiil iqui taapca maax cmaax iti miij, icoozim quih an oo coitiitaix, iiztox hizaax t’hamaax cmaax ihmaa. Iquitmoj iizax xah imam imam izaax xah, oxtpaacta moos iis oxoquisil haxtocnijo haxcoaatjo zi iti tiij maax imiitoj. Hant quih iti yaacp com taax xeepe quih iteeloj quih taax ah iti mocöp. Hant caiitic xah, xeepe iteel haa tintica moos iti mocöp. Hamiisj xah, xoop quih taax ah quiicot mitiicol.

Hant iti yaacp coom. Socaaix xah, Tahejcö xah, Hahöj itcoj ac, Haxöl ihom xah, Taax tcoo iti yaacp iha.

Ziix icoihiipe quih coi haa ac. Quiipaij ac ijizi xah, quiisata quih imiipla quih cöspaii taax inailc quih oxo tiix maax ctpaacloj haax quih cötahainimx impaaztoj quiiten ac coihacaaij taacj maax zaah caap miime, hizaax ocoipaahcax quiipe ziix quisax hipiix. Ziix quih iti cötpaacta coi mooquepe xah.

Ziix quih inqueepe isooj quiij iti cahca xah. Quiipnij ac mahjiiz taax cmipla quih an oo tahca maax haha, ha ihapl caap tiix aitah maax yazix quih toii cmiip, oxtpaacta moos iteen ac taax hataap quih an oo mootaax imoompazjc. Quiipnij ac coi hajiiz ac taax hataap cötacaax haax an oo tcaalim maax quinail com imaatj quih hataap iica quih quiipniij ac taax iqui imqueetx.

Ziix quisaax quih haquix tiihx hanxö taaticpaan itaaxix inaail com itqueejc maax hizaax ocompaacta.

Ziix quih yaticpaan quih taax quiaam iha, xiica quistox cmajic coi quiiti coazquim iha, haat an oo ohcö quih itaaizim maax coc imaax iha, ctamcö coi taax heesen hacacj coi ah cmaaticpaan. Hizaax moos ocompaacta haquix xahtii haxtax hanxö tcaatax haxiqui itojoz maax haax an oo caalimx quitajc quih maahjiz, quitoiit quih xiica haxcötocnalca cah an oo mooxalca, taax ah quiiha quih hajiiz quih imoonaij quimixi. Isaax quihih caah cöaaixaj iha.

Ziix quih ihmha quih moos iti coi paii ac. Xiica quistos cmaajic coi taax, ilitcoj copxöt coi aniisjc coiiltax cos inailc quih tpaaztoj haax quiitainim maax compaai, hizaax ocoihaapaacta caah icaatimic taazo quih siime haa.


Mangle dulce

Es una rama grande que mide cerca de dos metros de altura. Tiene la cáscara de color cenizo, las hojas son verde bajito, redondeadas en las puntas, un poco largas, son gruesas, si se parten les sale agua. Florece de color rojo, la flor es muy pequeña y aparece en tiempo de aguas, en el calor. En los meses de junio, julio, da un fruto chiquito, redondo y de sabor dulce, la gente se lo come. Crece cerca del mar, en la arena, en la playa. Se encuentra con el sangregado y el torote sagrado.

Localización geográfica regional. Punta Chueca, Isla del Tiburón, Kino, Desemboque.

Uso medicinal. Para el dolor de garganta o de anginas, se coce un pedazo de cáscara en una taza de agua y se hacen gárgaras dos veces al día hasta que sane la persona. En un frasco con alcohol se reposan unas hojas de mangle, ramas de golondrina y hediondilla y se frota con esta mezcla, todas las noches donde se tienen reúmas: en los brazos, en las piernas.

Causas y síntomas de la enfermedad. Duele la garganta porque se tiene infección, cuando hace mucho frío pega tos y sale pus por la boca (V. gripa). La garganta duele porque se bañó con gripa y el calor del cuerpo se fue al pecho o garganta. Si una persona se moja después de trabajar mucho tiempo en una misma cosa, como duran las mujeres tejiendo el torote o los hombres tallando el palo fierro, también si se baña después de caminar mucho; entonces duelen los huesos o se hacen bolas, ésas son las reúmas y duelen mucho (V. frío-calor).

Otros datos. Para pintarse el cabello rojizo, las mujeres cocen unas ramas de mangle en un bote de agua y se lavan con este cocimiento una vez a la semana.